Повеќето лица со мултипла склероза пријавуваат промени во комуникацијата
Клучни работи
- Една нова студија го истражува влијанието на промените во комуникацијата во животот на лицата со мултипла склероза (МС).
- Поголемиот дел од учесниците во студијата посочуваат дека се соочуваат со тешкотии во јазикот и вербалната комуникација откако им била дијагностицирана МС.
- Авторите на студијата повикуваат на поголема свесност за потребата од опцијата за услуги од областа на говорно – јазичната патологија за лицата со МС.
Животот со МС може да доведе до широк спектар на симптоми. Според една нова студија меѓу оние кои би можеле да влијаат на квалитетот на животот се тешкотиите во комуникацијата.
Тим научници од „Australia’s University of Sydney“ прегледале онлајн прашалници од 260 лица со МС за да проценат дали доживеале некакви промени кои влијаеле на нивната способност за комуникација. Авторите на студијата откриле дека поголемиот дел од учесниците – 75,8 проценти – рекле дека доживеале промени во комуникацијата, како што се:
- Промени во јазикот
- Когнитивни промени
- Промени со говорот (познати како дизартрија)
- Промени во гласот
- Промени во флуентноста (течноста) на говорот
Стресот, топлината и заморот се меѓу факторите кои влијаат на промените во комуникацијата, објавиле учесниците во студијата. Иако поголемиот дел од учесниците пријавиле дека се соочуваат со тешкотии во комуникацијата, само 11,2 отсто пристапиле до услугите обезбедени од патолози, специјалисти од јазично – говорната област, велат истражувачите.
Тешкотиите во комуникацијата не можеме да ги сметаме за „само уште еден симптом на МС“, и може да создадат дополнителни тешкотии. Научниците откриле дека во секојдневниот живот тешкотиите во комуникацијата влијаат на меѓучовечките односи на учесниците, психолошката благосостојба, професионалната кариера, идентитетот на работната сила и социјалните животи.
Авторите на студијата заклучуваат дека системот за здравствена заштита треба да работи понапорно на подигање свеста за тоа како услугите од областа на говорно – јазичната патологија можат да им помогнат на лицата со МС да управуваат со промените во комуникацијата. Пружената помош на лицата со МС да се справат со овие прашања може да го намали влијанието на промените во комуникацијата врз другите области од животот.
Извор: https://www.mymsteam.com/news/majority-of-people-with-ms-report-communication-changes
Забелешка: Овој текст има информативен карактер и не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.