Три билки и додатоци во исхраната кои можат да помогнат ако имате МС
Додавањето здрави билки и додатоци во исхраната може да го подобри целокупното моторно и когнитивно функционирање, но за оние со мултипла склероза овие природни адитиви можат да бидат особено корисни. Многу лекари препорачуваат природни билки и минерали за да им помогнат на пациентите да се справуваат со вообичаените симптоми на МС. Иако тие не треба да ги заменат пропишаните лекарства користењето на следниве билки може да ви помогне да управувате со симптомите на МС преку редукција а инфламацијата и зајакнување на имунолошкиот систем.
Ѓумбир
Ѓумбирот претставува замена за медот и може да помогне во ублажување на болките во мускулите и зглобовите. Заради неговото природно антиинфламаторно дејство може да помогне во намалување на воспалението околу нервите и мускулите кое предизвикува вкочанетост и физичка болка вообичаена кај лицата со МС. Исечканиот корен од ѓумбир може да го додатете во вашите омилени оброци или пак да направите топол напиток од него. Ова може да ви донесе многу вкусни и здрави подобрувања во секојдневниот живот.
Камилица
Како и ѓумбирот, камилицата може да ја намали напнатоста и да ги релаксира мускулите преку намалување на воспалението. Поради релаксирачкото дејство многумина пијат чај од камилица. Ова може да се покаже како особено ефикасно ноќе, ако физичката болка ви влијае на спиењето. Бидејќи има сладок вкус често се користи и како глазура за торти или во комбинација со свежо овошје може да претставува освежителна летна закуска.
Глуварче
Глуварчето е одлична замена за кофеинот и може да помогне во ублажување на заморот предизвикан од физичката болка кај лицата со МС. Глуварчето се користи во преработена форма како додаток во исхраната за оние кои не сакаат да го јадат растението, но ако сте подготвени да ризикувате чајот од глуварче е многу здава опција. Зелените делови од глуварчето исто така се користат во приготвување на салати, а бидејќи се богати со железо помагаат во зајакнувањето на имунолошкиот систем и претставуваат дополнителен извор на енергија. Можете да ги користите во комбинација со хумус или песто.
Списокот на билки и додатоци во исхраната достапни за пациентите со МС е обемен, но не заборавајте овие растенија да ги користите умерено додека не бидете сигурни како вашето тело ќе реагира на нив. Тие никогаш не може да претставуваат замена за пропишаната терапија но, може да помогнат во ублажување на напнатоста, заморот и други предизвикани состојби.
Консултирајте се со вашиот лекар или нутриционист пред да направите било какви промени во исхраната и секако престанете да внесувате продукти кои ви создаваат мачнина. Меѓутоа, ако вашиот лекар ви даде зелено светло билките можат да бидат одличен алтернативен лек, да ви помогнат да ја намалите инфламацијата во организмот и секако да ви овозможат успешно да управувате со симптомите.
Извор: https://msfocus.org/Magazine/Magazine-Items/Posted/Three-Herbs-and-Supplements-That-May-Help-With-MS
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.