Инфекциите во адолесценцијата се поврзани со зголемен ризик за развој на мултипла склероза
Резултатите од една неодамна спроведена студија сугерираат дека тешките инфекции за време на адолесценцијата подоцна во животот може да доведат до зголемен ризик од појава на мултипла склероза (МС). Ова главно се однесува на инфекции на мозокот и ‘рбетниот мозок, но исто така и на инфекции на респираторниот тракт.
Инаку МС е невролошка состојба која влијае на централниот нервен систем, а причините за појава на МС сѐ уште не се доволно разјаснети.
Треба да се напомене дека некои претходни студии го поврзуваат потресот на мозок и пневмонијата за време на адолесценцијата со зголемен ризик за развој на мултипла склероза подоцна во животот.
Важно е да се нагласи дека само мал број од оние кои имаат сериозни инфекции во адолесценцијата можат да развијат МС. Но, оваа студија ја поддржува теоријата дека адолесценцијата е период на зголемена подложност на организмот за развој на МС. Сепак инфекциите кај децата, до 11 годишна возраст, не претставуваат зголемен ризик за развој на мултипла склероза подоцна во животот.
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.