26 совети како да се справите со најчестите симптоми на МС
Мултипла склероза (МС) e комплексна и разновидна состојба што може да резултира со повеќе различни симптоми, кои може, но и не мора да се исти кај повеќето пациенти. Иако сите пациенти немаат исти симптоми, најчестите симптоми сe тешки за откривање и за справување со нив.
За да помогнеме да се справите со 10-те најчести симптоми на МС, подготвивме неколку совети кои ќе ви помогнат подобро да го поминете денот.
1. ЗАМОР
Заморот претставува еден од најчестите симптоми на МС. Иако е лесно да се препознае, истиот може да предизвика неудобност и да биде доста непогоден. Поради тоа, има неколку совети кои може да ви помогнат во намалување на заморот и да ви овозможат да го помине денот подобро:
- Една од наједноставните работи е да откриете во кој период од денот имате најмногу енергија, и задачите кои бараат од вас најмногу енегија да ги извршувате во тој период.
- Секогаш кога имате да завршите голема задача, земете предвид, истата да ја поделите на повеќе делови, претворајќи ја таа задача во повеќе мали задачи. На пример, доколку планирате да го средите целиот ваш плакар со алишта, започнете од пантолоните.
- Многу луѓе имаат голем бенефит со тоа што имаат кратки преспивања во текот на денот, тие можат да овозможат надополнување на енергијата и да ви помогнат да издржите во текот на денот.
- Држете се подалеку од енергетските пијалоци. Иако истите ветуваат и даваат сила со која би се избориле со заморот, тие не се најдобро решение. Истите тие даваат сила во моментот, но само предизвикуваат покачување на шеќерот во крвта што не помага во долготрајно чување на енеријата. Исто така избегнувајте и брза и обработена храна (fast food), а доколку употребувате правете го тоа умерено.
2. ЗАМАЕНОСТ И TРНЕЊЕ
Сосема е нормално да почувствувате замаеност и трнење по целото тело. Секогаш кога ќе ги почувствувате овие симптоми на вашите прсти, ставете ги во лед, ладна вода или нешто што имате во близина кое е доволно ладно за да ви ги олесни овие непријатни симптоми.
3. ПРОБЛЕМИ СО ВИДОТ
Проблемите со видот се исто така на листата на симптоми кај пациентите со МС. Доколку го искусите овој симптом, можете да ги направите следниве работи:
- Разговарајте со вашиот лекар кој може да ви препише некои лекови кои би можеле да ви помогнат со вашиот проблем со видот.
- Доколку сте страстен читач на книги или сакате да поминувате долго време на компјутер, намалете го времето кое го поминувате во читање на книги или на компјутер и обидете се да го намалите оптоварувањето на очите.
- Немојте да заборавите дека и на вашите очи исто како и на било кој друг дел од телото, од време на време потребен им е одмор, поради тоа одморете ги малку.
4. БОЛКИ ВО МУСКУЛИТЕ
Заедно со заморот, сосема е нормално, пациентите со МС да чувствуваат болки во мускулите, во вид на воспаление на истите и/или болки во зглобовите. За да ви помогне да се изборите со овие непријатни моменти, обидете се со следново:
- Физиотерапевт би помогнал со тоа што ќе работи со вашето тело и ќе ви дава совети како да се изборите со болките, и да ви даде и препорача едноставни и лесни физички вежби кои ќе ги задоволат вашите потреби.
- Закажете посета на вашиот лекар со цел тој/таа да ви препорача лекови кои ќе ви помогнат да ги надминете болките.
5. ПРОБЛЕМИ СО КООРДИНАЦИЈА И РАМНОТЕЖА
Бидејќи МС има влијание врз работата и функциите на мозокот, можно е да имате одредени проблеми со подвижноста, вклучувајќи и проблеми со координација и рамнотежа. Доколку ги имате овие симптоми, имајте го предвид следново:
- Физиотерапевт може да ви даде едноставни вежби кои можат да ви помогнат во подобрување на координацијата и рамнотежата.
- Доколку е можно и потребно најдете некоја адекватна опрема, како на пример бастун или патерица кои би ви помогнале при одењето.
6. ПРОМЕНИ ВО РАСПОЛОЖЕНИЕ
Доколку имате промени во расположението, може да разговарате со вашиот лекар и тој/таа може да ви препише некои лекови кои ќе ви помогнат да се справите со анксиозноста, депресијата, чувствителноста и другите промени во расположението. Сосема е нормално пациентите со МС да имаат и депресија и со сето ова може да се изборите доколку употребувате одредени лекови.
Затоа, разговарајте и со психолог за промените во расположението. Размислете за одење на терапија која ќе ви помогне да ги надминете овие чувства.
7. ГУБЕЊЕ НА МЕМОРИЈА И/ИЛИ ПРОБЛЕМИ СО ФОКУСОТ
Како невролошка состојба, МС има влијание и на вашиот мозок, што може да предизвика губење на меморијата и проблеми со концентрацијата. Во прилог подолу неколку совети со цел да ги надминете овие проблеми:
- Постои техника наречена когнитивна/сознајна рехабилитација. Вашиот лекар може да ви препорача доктор/специјалист, како што е невропсихолог кој може да ви каже повеќе за ова.
- Фитнесот покажал позитивни резултати на когнитивните тестови кај пациенти со МС. Започнувањето со секојдневна рутина на вежбање, може да ви помогне во справување со меморијата и фокусот.
- Одредени алатки би можеле да ви помогнат при некои проблеми со меморијата. На пример, имајте календар, запишувајте забелешки, правете листа на активности и употребувајте го вашиот паметен телефон за аларми и потсетници.
8. СЕКСУАЛНИ ПРОБЛЕМИ
Ова е чувствителна тема, но вистина е дека МС може да предизвика проблеми во сексуалниот живот и кај мажите и кај жените подеднакво. Секогаш кога не сте расположени и незнаете што да правите во врска со тоа, еве неколку совети:
- За мажи, постојат неколку можности на располагање, доколку имаат проблеми со ерекцијата. Многу е важно да се обратите на вашиот доктор и да добиете потребна помош.
- За жени, проблеми може да се јават доколку се појави вагинална сувост. Постојат многу лекови кои може да ги употребите за овој проблем. Разговарајте со лекар и тој/таа ќе ви препише соодветни лекови.
9. ПРОБЛЕМИ СО КОНТРОЛА НА МОЧНИОТ МЕУР И ЦРЕВАТА
Цревата се дел од телото со кои би можеле да имате проблем. Уринарната инконтиненција е многу честа кај пациенти со МС, и ова може да го направите во врска со тоа:
- Земете предвид да го намалите кофеинот и алкохолот, бидејќи истите може да го иритираат мочниот меур. Но намалување на течност може да предизвика и други компликации. Обидете се стратешки да го планирате внесувањето на течности, врз основа на претходно направен распоред. На пример, пијте повеќе течности во периодот кога сте дома или во близина на тоалет.
- Обидете се да мокрите на секои два часа со цел да го тренирате вашиот мочен меур и избегнувајте да пиете течност после вечера со цел да го намалите одењето во тоалет за време на ноќта.
- Пијте течност во доволна количина со цел вашата урина да има светло жолта боја.
10. ОСЕТЛИВОСТ НА ТОПЛИНА
Температурата е нешто што влијае на пациентите со МС на кои или им е премногу ладно или премногу топло и истите неможат да најдат решение за ова. Еве неколку совети како да го решите овој проблем:
- Во периоди на голема топлина и влага, времето поминувајте го во климатизирани простории.
- Пиењето ладни пијалоци овозможува краткотрајно решение.
- Употребувајте производи за разладување во вид на елеци, шалови за време на вежбање или некоја друга надворешна активност.
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.