11 работи кои никогаш не треба да ги кажувате на некој со МС
Кога доживувате нешто што вашите пријатели и семејството не го разбираат, не знаат секогаш како да постапат. Понекогаш можеби ќе ви изгледаат бесчувствителни, груби и безобразни.
Побаравме од луѓето кои живеат со мултипла склероза (МС) да споделат некои непријатни ситуации кои ги доживеале.
Кога им кажувате на лица со МС или други хронични „невидливи“ заболувања дека не изгледаат болно, може да се чувствуваат како да ја отфрлате нивната болест или да ги обвинувате дека ве мамат. Не можете да кажете како се чувствува некој со МС според начинот на кој изгледа. Да им кажете дека изгледаат добро е комплимент а прашањето како тие се чувствуваат ја потврдува нивната реалност.
МС кај младите не е полесна, ниту е поголема веројатноста да им се подобри состојбата. Замислете секојдневно да се справувате со непредвидливи невролошки симптоми. Сознанието дека имате хронично заболување во млада возраст може да биде обесхрабрувачко. Подобро е едноставно да понудите ваша емоционална и практична поддршка.
Доколку не ги знаете фактите, најдобро е да не правите претпоставки. Ако лицата со МС се отворени за тоа, поставете прашања. Инаку, одвојте неколку минути од вашето време за да се запознаете со основите на болеста. МС не е заразна. Кај МС, имунолошкиот систем погрешно го напаѓа миелинот, заштитната супстанца која ги опкружува нервните влакна. Со текот на времето, ова предизвикува формирање на лезии во централниот нервен систем. Причаната за тој процес е нејасна, но може да биде комбинација од повеќе фактори. Некои начини на истражување вклучуваат генетска предиспозиција, заразни болести и фактори на животната средина.
Нема брзо решение за МС и лекувањето може да биде комплицирано и скапо. Варира од лице до лице, а понекогаш третманот треба да се менува како што се менуваат симптомите. Некои лекови можат да се применуваат со инјектирање, некои лекови се во форма на капсули или инфузии, а сите тие се дизајнирани да ја забават прогресијата на болеста и да го намалат бројот на релапси. Некои луѓе со МС користат други лекови или терапии за да се справат со индивидуални симптоми. Најдобро е да го следите вашиот пријател во разговорите околу третманот на МС.
Луѓето со МС се бомбардирани со приказни за други луѓе со МС, вклучувајќи ги и оние кои се качуваат по планини и трчаат маратони и оние кои не можат да станат од кревет или да одат без помош. Но, бидејќи МС е различна за секого, нема смисла да се споредува МС-от на вашиот пријател со некој друг.
Кај релапсно-ремитентната форма на МС, може да има многу промени од година во година, месец за месец, па дури и од ден за ден. Лицето со МС може да изгледа совршено здраво и силно една недела, но не може да ја стави едната нога пред другата следната недела. Ремисијата не значи дека МС е помината или дека станува збор за неправилна дијагноза. Ова се вообичаени симптоми кај МС.
Не кажувајте го ова или слично на ова. Пречувствително е и штетно.
Тоа не е конкуренција. Со ваков вид прашање му давете на знаење дека се сомневате во искреноста за неговата попреченост.
Подобро е да се зборува за придобивките од вежбањето без да се понуди лажна надеж. Ако мајката на пријателот имала МС, таа веројатно сè уште ја има. Вежбање, начинот на исхрана и други фактори имаат важна улога кај лицата со МС. Здравите навики можат да ви помогнат да останете силни, да го зајакнете целокупното здравје и да ја подобрите вашата состојба. Но, сè уште не постои лек.
Хроничните нарушувања на сонот и хроничниот замор се вообичаени кај лицата со МС. Но, потребата од сон не значи дека е полесно да се добие. А добриот сон во текот на вечерта не значи дека ќе го анулира огромниот замор што доаѓа со МС.
Кога некој зборува за неговата борба со МС, тоа не значи дека му треба животна лекција или нема перспектива. Работите би можеле да бидат уште полоши; работите би можеле да бидат подобри. Но, она што тие го имаат е МС. Тоа е состојбата со која се занимаваат сега и тоа е огромен дел од нивниот живот. Оставете ги да зборуваат за тоа, без да се чувствуваат безвредни – затоа што МС не е мала работа.
Извор:
Забелешка: Рубриката „Најнови информации“ е дел наменет исклучиво за вести и информации на оваа веб страница за оваа болест. Не обезбедува медицински совет, дијагноза или третман. Оваа содржина не е наменета да биде замена за професионален медицински совет, дијагноза или третман. Секогаш побарајте совет од Вашиот лекар или друг квалификуван здравствен работник за било какви прашања што може да ги имате во врска со здравствената состојба. Никогаш не занемарувајте ги или одложувајте професионалните медицински совети поради тоа што сте го прочитале на оваа веб страница. Мислењата изразени во оваа рубрика не секогаш се мислења на Националното здружение за МС и наменети се да предизвикаат дискусија за прашања кои се однесуваат на мултипла склероза.