Здрава исхрана при мултипла склероза
Покрај редовните контроли и вежбањето, здравата исхрана е значаен дел од зачувувањето на здравјето на луѓето кои живеат со мултипла склероза.
Тема на разговорот на подкастот на Панацеа.мк за Националното здружение за помош и поддршка на лицата со мултипла склероза е „Здрава исхрана при МС“, а наша гостинка е Цвета Динева, сертифициран нутриционист консултант и автор на Прирачникот за здрава исхрана при МС.
„Дека исхраната дава огромен придонес на она што сме ние е кажано уште од пред Христа. Хипократ рекол: Нека храната ви биде лек и лек нека ви биде вашата храна.
Постојат и други мисли од умни луѓе што истражувале, се бавеле со наука иако немале висока технологија на располагање и рекле вака: Јас сум денес тоа што јадев вчера. Утре ќе бидам она што јадам денес“.