Невидливи симптоми на МС (2) – намалена спретност, моторна слабост, нарушување на видот, вртоглавици
Гостин во подкастот е науч. сор. д-р Бојан Бошковски од ЈЗУ Универзитетската клиника за неврологија, Скопје.
Понекогаш проблемите предизвикани од МС не се видливи за надворешниот свет. Оштетување на видот, вкочанетост, замор, болка, когнитивни проблеми и сексуална дисфункција се неколку од вообичаените невидливи – скриени симптоми, кои може да го променат животот исто колку и оние кои се видливи со голо око.
Пациентите со МС макотрпно се борат со овие симптоми, кои јавноста не може да ги види, па често и не верува дека постојат, лепејќи им епитети како неспособни, мрзливи, нерасположени.