МИТ 3: Мултипла склероза не предизвикува болка
Факт: Многу лица кои живеат со мултипла склероза (МС) можат да ви ја кажат вистината за овој мит: Тие чувствуваат болка. Сепак, некои здравствени работници може да не ја сметаат болката за симптом на МС, вели д-р Џон Корбој, невролог и професор на Медицинскиот факултет на Универзитетот во Колорадо, САД. „Мултиплата склероза јасно предизвикува болка“, вели тој. Студија објавена во јули 2017 година во Scandinavian Journal of Pain потврди дека лицата со МС не само што доживуваат долготрајна хронична болка, туку и пријавуваат поголема болка со текот на времето.
Постојат три главни причини за болка кај МС, според д-р Леора Фриман, невролог и доцент на Медицинскиот факултет McGovern Medical School at the University of Texas Health Science Center, САД. Тие вклучуваат невропатска болка, болка поврзана со спастицитет и мускулно-скелетна болка поради неподвижност и замор. Бидејќи хроничната болка кај МС може да се манифестира различно од човек до човек, може да биде особено тешко да се лекува, но критично е да се адресира, вели д-р Ана Крац, доцент по физикална медицина и рехабилитација во Michigan Medicine во Ann Arbor. „На лицата со МС им е потребна помош за нивната болка“, вели таа. За жал, не постои универзално решение кое функционира за сите проблеми со хронична болка. „Можеби ќе треба да пробате неколку различни работи, често во комбинација, за да откриете што функционира за вас“, вели д-р Крац.